租的士開工第一件事大家一定會聯想起的士租金。的士租金我覺得只係其中一個原因，因為車租只係10-20元。我今日唔會特別去討論反正相差唔遠。反而我會考慮更多車租以外的影響。我會更多考慮以下幾點:
取車地點
好多司機認為取車一定近自已，因為方便不用坐多一程車再取車開工。如果有做開Order 就會更加明白，其實開工位置四通八達非常重要。用將軍澳取車作例子，基本上只有兩條路可以離開 (現在三條路)，塞車機會高。客源也是其中一個問題，返工客大部分都會去觀塘、九龍灣及過海。但旺角太子就不同了，如果準時開工取車，不塞車客源多方向，太子<>東九龍 (觀塘/九龍灣)、太子<>元朗、太子<>港島。
第二，取車地點最好是可以提供多方向的 Order, 例如太子、旺角。 通常過海、新界或者將軍澳 都會有機會。這非常影響生意額
拍更準時或者車行怎樣處理遲交車問題
拍更(Partner) 非常重要，我相信無人喜歡對方經常遲到吧! 但往往好多打理人處理上不夠認真及嚴肅，又或者怕得失司機吧! 再好的車行都會有害群之馬，車行怎樣對待經常遲到司機應該係責無旁貸。 我相信好的車行/打理 會訂立一定罰則，定立後會毫不猶豫執行。
泊車安全性
間唔中都會有怎日子會早收工，如果泊低部車會唔會高風險被抄牌呢? 因為提早還車萬一有告票基本上是歸司機，即使油尖旺都有會低風險抄牌地方，呢樣要靠個人觀察。
車輛定期維修保養
行內車輛維修保養一般會由日更司機負責，當日留意到問題會到車房檢查及維修。但某些公司為了慳錢，車輛需要修理或潛在危險沒有認真處理。司機需要認清車行處事作風。
