今日收市計市區的士牌$513萬，全新車借貸最高可以借到470萬，月供約$22000。利息仍然處於低水平。車租足夠供車。
最近都有客人問我未來點睇。 的士牌從高位720萬都調整了好一段時間。過去時間大家都知道一個現象係唔夠的士司機租車，出租率低。其實的士司機生意當然會受到近期<<逃犯條例>> 有所影響，但唔係想像中好似沙士時期咁差。我沒有水晶球在手，我也不能預知未來。不過可以從簡單的角度分析的士牌前景。
放遠視野看未來，隨着經濟會預期轉差，失業率看升，部分人已經被要求放無薪假。多出來的時間把放在銀包已久的的士車牌囉出來做的士替工。的士係最富彈性的行業，只要簽好合約，交付一定按金就可以租車搵食。 加上現在有Call 車Apps 幫手， 基本上一更車租及氣錢約$600，即使未接觸過的士但有渣開車就已經一定夠交車租。當然，收入多與少好睇個人的修為。 的士出租率於往後日子好大機會變得正常化。
過去幾年，大部分車主士貸款金額大約於500萬不等，除非加息速度比預期快或出租率異常地低，否則大部分車主不會輕易放走手上的士牌。
未來日子受惠於租車市場出租率提升，低息及租金足夠供車情況下預期牌價好大機會見低回升。