服役20年的豐田大細鏡車 車牌 “J” , “K” 字頭經已少了很多。大部分舊五座都轉了金豐四座位的士。大家如果有留意就會見到街上面最多的四座新車是 “S”, “T”,”U”, “V” 字車牌， 即係2015 至2017年車會佔了市場一大部分。
由2015 年開始, 隨着換車潮來臨，渣開舊車的司機都會想轉新車。當全新車大量湧現時，司機會不自覺地追隨新車，不斷希望開到部最新的車。雖然我手上沒有實質數據, 但過往經驗發現， 出得最快最多的年份係2017年，即係V 字車牌會係最多車主換車的一期。
點解2017 年會係最多新車??? 因為豐田已經公報停產及轉款 (混能車)。手持舊車車主心裏想如果呢刻唔轉:
第一: 車價日後會更貴
第二: 新車未知司機會唔會接受,
第三: 新車款未知設計上有沒有重大問題 (好似當年頭批四座, 盤頭出現設計上問題, 返廠維修一個月)。
豐田新車款比預期中理想:
豐田轉款後, 市場反應比預期中好。筆者其實一直都睇好混能車, 原因有兩樣:
1. 新款混能車系統不是新鮮事:
新豐田混能的士引擎及相關系統係用上私家車PRIUS 第二代的混能系統，小弟曾經都有過一部，車寧靜得來好可靠，引擎比上一代輸出為低, 用上CVT 無段自動變速波箱。 不像上一代用上 VVTI, 輸出比較大，Shaft and gear 損耗比較快。
上網找過資料，澳洲用PRIUS 2 代作為的士, 行到40萬公里常要換的只係ABS 泵及感應器，60 至70 萬公里先需要換大電。而第二代PRIUS 到現在都十幾年時間，PRIUS 已經出到第四代。所以筆者相信該款車可靠性好高。
2. 內裏設計大大改善舒適性 筆者認為低地台及高身設計最受歡迎。而司機第一身感覺大大提升。
3. 低油耗
石油氣係司機一大支出， 轉了混能車後，氣錢差不多少一半，每公里約 0.24元。足足比起傳統豐田四座慳一半氣錢
踏入2019年, 混能車愈出愈多， 需求愈來愈大。舊五座市場上所剩無幾，如果舊五座出租理想，三大車行或牌主不急於更換新車。市場上的新車只能靠成交帶動，出新車速度比過往慢好多，新款混能車當然比較珍貴，而租金係未來日子都會穏定下來。司機需要珍惜眼前車，因為不會再咁容易換到新車